საუკეთესო პრაქტიკის პრემიის კონკურსი შეიქმნა მუზეუმების საგანმანათლებლო ან კულტურის პროექტების წარდგენის მიზნით. კონკურსს ადმინისტრირებას უწევს ICOM/CECA და მიზნად ისახავს საუკეთესო პრაქტიკის გავრცელებას და კომიტეტის წევრების მონაწილეობის წახალისებას CECA-ს 2023 წლის საერთაშორისო კონფერენციაზე, რომელიც გაიმართება სინგაპურში (ნოემბერი). პრემია განკუთვნილია ექსკლუზიურად CECA-ს წევრებისთვის და წარმოადგენს დამატებით უპირატესობას კომიტეტის წევრობისთვის. მონაწილეობის მისაღებად წევრებმა უნდა შეავსონ განაცხადის ფორმა განაცხადის პროცედურების შესაბამისად. ფორმა ივსება ელექტრონულად და უნდა გაიგზავნოს პრემიის კოორდინატორთან მარგარიტა ლარეინთან margaritalaraignee(at)gmail.com. 2023 წელს, 3 საგანმანათლებლო პროგრამა მიიღებს საუკეთესო პრაქტიკის პრემიას კონკურსის კრიტერიუმების საფუძველზე. გამარჯვებულებს მიეცემათ შესაძლებლობა, დაესწრონ CECA-ს 2023 წლის ყოველწლიურ კონფერენციას (სინგაპური, ნოემბერი). კონფერენციის რეგისტრაციის საფასური და საცხოვრებლის თანხა 400.00 ევროს მოცულობით ანაზღაურდება პრემიის ფარგლებში (გთხოვთ გაითვალისწინოთ, რომ ტრანსპორტირების ხარჯები არ დაიფარება). განაცხადების გაგზავნის ბოლო ვადა: 2023 წლის 12 მაისი. კონკურსის სააპლიკაციო ფორმა – გადმოწერა განაცხადის შევსების სახელმძღვანელო – გადმოწერა  დეტალური ინფორმაციას მონაწილეობის შესახებ, გაეცანით ICOM საქართველოს კონკურსების გვერდზე.