მუზეუმების საერთაშორისო საბჭო (ICOM) – წარმოადგენს წევრობაზე დაფუძნებულ პროფესიულ საერთაშორისო ქსელს, რომელიც აერთიანებს 60 000-ზე მეტ წევრს მსოფლიოს 139 ქვეყნიდან. ICOM-ის შესახებ დეტალური ინფორმაცია ხელმისაწვდომია
ბმულზე.
ICOM-ის წევრობის კრიტერიუმები და უპირატესობები
ვის შეუძლია გაწევრიანება?
ICOM-ის წევრი შეიძლება გახდეს მუზეუმების ან სამუზეუმო სფეროს წარმომადგენელი, რომელიც იზიარებს ორგანიზაციის მისიას/ხედვას და პატივს სცემს/იცავს ICOM-ის სამუზეუმო პროფესიული ეთიკის კოდექსს.
- პროფესიული განვითარება:
ICOM უზრუნველყოფს ტრენინგებს, სემინარებსა და სხვა საგანმანათლებლო ღონისძიებებს, რომელიც ხელს უწყობ წევრების კვალიფიკაციის ამაღლებასა და პროფესიულ განვითარებას. - ICOM-ის კონფერენციებში მონაწილეობა:
წევრებს შესაძლებლობა აქვთ, მონაწილეობა მიიღონ ICOM-ის საერთაშორისო, რეგიონულ და ადგილობრივ კონფერენციებში, რაც ხელს უწყობს ცოდნის გაზიარებას, პროფესიული კავშირების განვითარებასა და სფეროს ინოვაციებზე ხელმისაწვდომობას. - პარტნიორი ორგანიზაციების ღონისძიებებზე წვდომა:
ICOM-ის პარტნიორი ორგანიზაციების მიერ გამართულ კონფერენციებზე, ტრენინგებსა და ფორუმებში მონაწილეობის უპირატესობა, რაც აფართოვებს პროფესიულ ჰორიზონტებს. - პუბლიკაციები, სახელმძღვანელოები და პროფესიული სტანდარტები:
ICOM-ის წევრები სარგებლობენ ორგანიზაციის მიერ მომზადებული პროფესიული რესურსებით, რომელიც მოიცავს სახელმძღვანელოებს, კვლევებსა და სტანდარტებს სამუზეუმო სფეროს განვითარებისთვის. - ICOM-ის კვალიფიკაციის ამაღლების პროფესიული პროგრამები:
წევრებს ეძლევათ შესაძლებლობა, ჩაერთონ სპეციალურ პროგრამებში, რომელიც მიზნად ისახავს ცოდნის გაღრმავებას ისეთ სფეროებში, როგორიცაა სამუზეუმო საქმის მართვა, 21-ეს საუკუნის მუზეუმის გამოწვევები, მემკვიდრეობის დაცვა, კრიზისული სიტუაციების მართვა და სხვ. - წევრის ბარათი:
ICOM-ის წევრობის ბარათი უზრუნველყოფს უფასო ვიზიტს ან ფასდაკლებებს მსოფლიოს სხვადასხვა მუზეუმში, სამეცნიერო ცენტრებსა და შესაბამის სამუზეუმო/მემკვიდრეობის დაწესებულებებში.
ICOM-ის წევრობისთვის აუცილებელი კრიტერიუმები
- მუზეუმში ან სამუზეუმო სფეროსთან დაკავშირებულ ინსტიტუციაში მუშაობის გამოცდილება:
აპლიკანტს უნდა ჰქონდეს მინიმუმ 2 წლის სამუშაო გამოცდილება მუზეუმში ან სამუზეუმო სფეროსთან უშუალოდ დაკავშირებულ ინსტიტუციაში. - სამუზეუმო საქმის მოქმედი სპეციალისტი ან ლექტორი:
სამუზეუმო სფეროში მოქმედი სპეციალისტი ან ლექტორი, რომელიც კითხულობს ლექციებს მუზეუმმცოდნეობისა და/ან კულტურული მემკვიდრეობის დაცვის პროგრამებზე (მინიმუმ 2 წლიანი გამოცდილებით). - ICOM-ის პროფესიული ეთიკის კოდექსის პატივისცემა:
აპლიკანტი უნდა აღიარებდეს და იცავდეს ICOM-ის სამუზეუმო ეთიკის კოდექსს, რომელიც განსაზღვრავს მუზეუმების პროფესიულ და ეთიკურ სტანდარტებს.
ICOM-ის წევრი ვერ გახდება:
- კულტურული ფასეულობების ყიდვა-გაყიდვასთან დაკავშირებული პირები ან დაწესებულებები.
- ICOM-ის მისიისა და აქტივობების წინააღმდეგ საქმიანობით დაკავებული პირები ან დაწესებულებები.
წევრობის კატეგორიები:
- ინდივიდუალური წევრები
მუზეუმების თანამშრომლები; სამუზეუმო და კულტურული მემკვიდრეობის სფეროს მოქმედი სპეციალისტები და ლექტორები. - სტუდენტი წევრები
მუზეუმმცოდნეობის ან კულტურული მემკვიდრეობის დაცვის/მართვის სამაგისტრო ან სადოქტორო პროგრამის სტუდენტები.
შენიშვნა: სტუდენტური კატეგორიის წევრებს ICOM-ში ხმის მიცემის უფლება არ აქვთ. - ინსტიტუციური წევრები
შემდეგი ტიპის ორგანიზაციები მუზეუმის განმარტების შესაბამისად: - მუზეუმები
- ბუნებრივი, არქეოლოგიური და ეთნოგრაფიული ძეგლები ან ნაკრძალები
- ისტორიული ძეგლები და ნაკრძალები
- ბოტანიკური ან ზოოლოგიური კოლექციების მქონე ინსტიტუციები, აქვარიუმები ან ვივარიუმები
- სამეცნიერო ცენტრები და პლანეტარიუმები
- რესტავრაცია-კონსერვაციის ინსტიტუტები
- არაკომერციული ორგანიზაციები, რომლებიც ახორციელებენ სამუზეუმო სფეროს კვლევას, კონსერვაციას, განათლებას, ტრეინინგს ან სამუზეუმო დოკუმენტაციას
- კულტურის ცენტრები და სხვა ორგანიზაციები, რომლებიც ხელს უწყობენ მატერიალური და არამატერიალური მემკვიდრეობის მართვასა და განვითარებას.
- მხარდამჭერი წევრები
ინდივიდუალური ან ინსტიტუციური წევრები, რომელთაც აქვთ განსაკუთრებული ინტერესი მუზეუმებისა და სამუზეუმო სფეროს ხელშეწყობის მიმართ. ისინი მხარს უჭეერენ ICOM-ის აქტივობებს წევრობის მაღალი გადასახადის გადახდის გზით.
წევრობის სააპლიკაციო დოკუმენტაცია:
ინდივიდუალური და სტუდენტური კატეგორიის წევრობისთვის:
- აპლიკანტის მიერ ხელმოწერილი სამოტივაციო წერილი
- სამუშაო ადგილის ცნობა (სტუდენტებისთვის უნივერსიტეტის ცნობა) სამსახურის დაწყების კონკრეტული თარიღის (წელი/თვე) მითითებით.
- პირადობის მოწმობის ან პასპორტის ასლი
- ICOM-ის არსებული წევრის რეკომენდაცია (სტუდენტის შემთხვევაში, მისი ხელმძღვანელის რეკომენდაცია) – გთხოვთ, გაითვალისწინეთ, რომ რეკომენდაციაში (1-2 გვ.) ზედმიწევნით უნდა დასაბუთდეს აპლიკანტის შესაბამისობა ICOM-ის წევრობის კრიტერიუმებთან და მისი სამომავლო კონკრეტული წვლილი ორგანიზაციის მიზნების მიღწევაში. რეკომენდაცია უნდა იყოს ხელმოწერილი რეკომენდატორის მიერ.
- შენიშვნა: ICOM-ის ერთი წევრს მხოლოდ ორი რეკომენდაციას გაცემა შეუძლია.
- შევსებული online სააპლიკაციო ფორმა (ინგლისურ ენაზე).
ინსტიტუციური წევრობისთვის:
- ოფიციალური განცხადება ააიპ იკომის საქართველოს ეროვნული კომიტეტის სახელზე
- ორგანიზაციის რეგისტრაციის ოფიციალური დოკუმენტი
- მისიის, ამოცანებისა და ბოლო 2 წლის, მათ შორის მიმდინარე საქმიანობების აღწერის დოკუმენტი
- შევსებული online სააპლიკაციო ფორმა (ინგლისურ ენაზე).
დოკუმენტაციის წარდგენის ვადა:
სრული სააპლიკაციო დოკუმენტაცია უნდა გაიგზავნოს
icomgeo@gmail.com მისამართზე. დოკუმენტაციის გაგზავნის ბოლო ვადა:
2026 წლის 28 თებერვალი.
შენიშვნა: განაცხადის მიღება და განხილვა დაუდასტურდება მხოლოდ იმ აპლიკანტებს, რომელთაც სრული სააპლიკაციო დოკუმენტაცია ექნებათ წარდგენილი.
განაცხადების განხილვა:
ICOM საქართველოს საბჭოს მიერ განაცხადები განიხილება გაწევრიანების პროცესის დასრულების შემდეგ.
განხილვის შედეგები აპლიკანტებს ეცნობებათ განაცხადში მითითებულ ელ-ფოსტაზე.
***
წევრობის საფასური (წლიური):
- ინდივიდუალური წევრი: 90 ლარი
- სტუდენტი წევრი: 50 ლარი
- ინსტიტუციური წევრი:
- კატეგორია 1 (ინსტიტუციის წლიური ბიუჯეტი 30,000 ევრომდე): 640 ლარი
- კატეგორია 2 (ინსტიტუციის წლიური ბიუჯეტი 30,000–100,000 ევრო): 790 ლარი
- კატეგორია 3 (ინსტიტუციის წლიური ბიუჯეტი 100,000 + ევრო) - 1110 ლარი
- მხარდამჭერი ინდივიდუალური წევრი: 740 ლარი.
