ICOM საქართველოს საბჭოს წევრი მარიამ ჩხაიძე მონაწილეობს ICOM CIDOC-ის 2023 წლის საერთაშორისო კონფერენციაზე "ცოდნის საზღვრები. მუზეუმები, დოკუმენტაცია და დაკავშირებული მონაცემები", რომელიც 2023 წლის 24-28 სექტემბერს მექსიკის ეროვნულ უნივერსიტეტში იმართება.

• დოკუმენტაციის სოციალური პასუხისმგებლობა - დოკუმენტაციის პროცესის მნიშვნელობის აღქმა და იმ ფაქტორის გააზრება, რომ ეს პროცესი ექსპონატებზე ფიზიკური მონაცემების შეგროვებასთან ერთად მოიცავს უფრო ფართო კონტექსტისა და სოციალური შედეგების განხილვას.
• მიგრაცია მონაცემთა ბაზის ახალ სისტემებში - მონაცემთა მიგრაცია ძველი ციფრული მონაცემთა ბაზის სისტემებიდან ახალზე, რაც გვთავაზობს გაუმჯობესებულ დეტალებსა და ინოვაციურ მიდგომებს.
• ხელოვნური ინტელექტი და სამუზეუმო დოკუმენტაცია - სადისკუსიო ფორუმი იკვლევს დინამიურ ურთიერთობას ხელოვნურ ინტელექტსა და სამუზეუმო დოკუმენტაციას შორის. ეს საკითხი განიხილება როგორც ძლიერი ინსტრუმენტი და ამავდროულად, როგორც პოტენციური პრობლემა - ინფორმაციული უსაფრთხოება, თუმცა ხელოვნური ინტელექტის ელემენტების ინტეგრირება მნიშვნელოვნად გაამარტივებს დოკუმენტაციის პროცესებს.